Кошаркарската репрезентација на Србија ја победи Чешка со 113-84 во полуфиналето на Суперкупот во Минхен, како дел од подготовките за Евробаскетот. Србија го забележа својот петти триумф во подготовките по победите против БиХ и Полска во Белград и Грција (76-66) и Кипар (122-55) во Лимасол.
Српските кошаркари ќе играат во финалето на овој турнир денеска против Германија (20:45 часот), која во полуфиналето ја победи Турција.
Избраниците на Светислав Пешиќ успеаја да ја победат Чешка без поголеми проблеми, имаа кризен период во средината на првото полувреме кога е во прашање одбраната, но по бурниот тајм-аут на тренерот Пешиќ, тимот се консолидираше и, покрај одличната офанзива, играше подобро и во одбраната.
Најефикасен во победничкиот тим беше Богдан Богдановиќ со 20 поени, Никола Јокиќ постигна 12 со шест асистенции и четири скока, додека Никола Јовиќ и Никола Милутинов постигнаа двоцифрен број поени со 10 поени. Во чешката репрезентација, Мартин Криж беше најдобар со 12 поени.
Литванија, пак, ја декласира Словенија со 94-72 во подготвителниот натпревар пред Евробаскетот.
Литванците беа подобар ривал од самиот почеток, го искористија максимално отсуството на првата ѕвезда на словенечката репрезентација, Лука Дончиќ, кој не беше во составот за овој дуел.
Литванија до победата ја предводеше Гитис Радзевичиус со 15 поени, Бендзиус додаде 12, Земаитис 11, Нормантас додаде 10 поени, а Јонас Валанчиунас додаде осум. Кај Словенците се истакнаа Хроват со 18 поени и Стегар со 11 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
