Германија со одлично одигра трета четвртина која ја доби со 33-12 успеа да дојде до победа против Црна Гора од убедливи 106-76 на стартот од Евробаскетот 2025.
По максимално израмнето прво полувреме кое Германците го добија само со 46-43, целосна доминација во третата четвртина по која беше „скршена“ Црна Гора. Па Германија во последниот период од играта влезе со предност од 79-55, што и дефинитивно значеше обезбедена победа.
На крајот само рутинска последна четвртина за конечна победа од дури 30 поени разлика (106-76).
Најдобар кај Германија беше Вагнер со 22 поени и 8 скока, а Шредер заврши со 21 поен и четири асистенции. Кај Црна Гора се издвои Вучевиќ со 23 поени и 10 скока.
May we have this Franz, I mean dance 🕺🌪️#EuroBasket | @DBB_Basketball x @OrlandoMagic pic.twitter.com/cyxL5lRYJ8
— FIBA EuroBasket (@EuroBasket) August 27, 2025
Претходно Португалија славеше против Чешка со 62-50. Португалците, исто така, до триумфот дојдоа благодарение на одлично одиграното второ полувреме.
Феноменален кај Португалците беше Куета со 23 поени и 18 скока, а Лисбоа запиша 15 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
