Капитенот на српската репрезентација Богдан Богдановиќ поради повреда предвреме го напушти теренот во победата на Србија над Португалија на Евробаскетот 2025.
Искусниот бек заработи повреда на задната ложа на крајот од првото полувреме, поради што не беше на паркетот до крајот на натпреварот. Богдановиќ остана во соблекувалната каде што ги чекаше своите соиграчи по завршувањето на натпреварот.
🇷🇸 Nakon pobede protiv Portugalije ekipu je u svlačionici sačekao Bogdan Bogdanović! pic.twitter.com/dpB5ic2Wpa
— Arena Sport TV (@arenasport_tv) August 29, 2025
Денеска капитенот ќе биде подложен на снимање, по што ќе се знае степенот на сериозност на повредата. Фактот дека не се брза е охрабрувачки, според д-р Милош Бојовиќ, специјалист по физикална медицина и рехабилитација.
„Со овој вид повреда, за МР (сликање) да има дијагностичка, а особено прогностичка вредност, треба да помине време, идеално не пред 24 часа. Итна МР би значело дека се сомнева на руптура со ретракција, па затоа „одложувањето“ е добро. Да се надеваме на добри вести“, напиша Бојовиќ.
Kod ove vrste povrede, da bi MR (snimanje) imalo dijagnostičku a naročito prognostičku vrednost, potrebno je da prođe vreme, idealno ne pre 24h. Hitan MR bi znacio da se sumnja na rupturu sa retrakcijom, tako da je “odlaganje” dobro. Nadajmo se dobrim vestima 🙏 https://t.co/PT2D1GEvHb
— Dr Milos Bojovic (@DrMilosBojovic) August 29, 2025
Сепак, ако ништо друго, Филип Петрушев успеа да се извлече без суспензија по исклучувањето со Португалците кога удри противнички кошаркар без топка.
Петрушев доби само условна суспензија од еден натпревар во следните три години. Во превод – Петрушев ќе може да игра за Србија веќе против Латвија. Доколку ова или слично прекршување се повтори, автоматски се активира суспензија од еден натпревар. Покрај тоа, играчот е казнет и со парична казна од 5.000 евра, за што е одговорна Кошаркарската федерација на Србија според член 1-170 од правилникот на ФИБА.
Според правилата на ФИБА, повторувањето на истото дело автоматски ја дуплира казната.
Да потсетиме, во текот на првата четвртина, на пет минути и 48 секунди до крајот на периодот, Петрушев направи прекршок кој беше окарактеризиран како дисквалификациски, поради што судијата го исклучи од играта.
До крајот на групната фаза од натпреварувањето, српската репрезентација има уште три натпревари да одигра. Денеска игра со домаќинот Латвија од 18 часот по локално време, на 1 септември игра со Чешка, а два дена подоцна и со Турција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
