По битките во Рига, Тампере, Лимасол и Катовице, најдобрите 16 селекции на Европа се селат во главниот град на Летонија, каде на 14 септември ќе биде познат новиот шампион на Стариот континент.
Бранителот на титулата Шпанија го заврши натпреварувањето вечерва веќе во групната фаза. Со поразот од Грција, „фуријата“ беше елиминирана.
Познат е комплетниот костур околу разигрувањето за титулата на Евробаскетот 2025. Србите, иако важат за еден од водечките фаворити за титула, со поразот од Турција си ја искомпликуваа ситуацијата, па сега се во вториот дел од костурот каде ги чека многу потежок пат до финалето.
Прво, против Финска во сабота во 20:45 часот, а потоа против победникот од дуелот меѓу Франција и Грузија.
После тоа, проектираниот ривал во полуфиналето би била Германија, која би играла против Италија или Словенија по Португалија (сабота, 13:45 часот).
Доколку Србија помине низ целиот тој „пекол“, во финалето би можела да добие шанса да им се одмазди на Турците, секако, ако избраниците на Ергин Атаман ја оправдаат улогата на фаворити за која се бореа во претходните натпревари.
ОСМИНАФИНАЛНИ ДВОЈКИ НА ЕП 2025
Литванија – Летонија (6 септември)
Грција – Израел (7 септември)
Турција – Шведска (6 септември)
Полска – Босна и Херцеговина (7 септември)
Германија – Португалија (6 септември)
Италија – Словенија (7 септември)
Србија – Финска (6 септември)
Франција – Грузија (7 септември)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
