Кошаркарите на Полска ја победија Босна и Херцеговина со резултат од 80-72 во осминафиналето на Евробаскетот. Избраниците на Игор Миличиќ ќе играат во четвртфиналето против Турција, која вчера беше подобра од Шведска.
Најефикасен играч во победничкиот тим беше неверојатниот Џордан Лојд со 28 поени, по него Понитка со 19 и Соколовски со 10 поени.
За Босна и Херцеговина, Нуркиќ се истакна со 20 поени и седум скока, а Роберсон имаше 19 поени пред повредата. Двајцата беа единствените што постигнаа двоцифрен број поени кај БиХ.
Босна и Херцеговина го почна одлично мечот, пред сè благодарение на Нуркиќ, кој ги уништи ривалите во рекетот. Како и да е, Роберсон продолжи со одлична серија шутеви и многу брзо имаа двоцифрена предност. Полска ги бараше Лојд и Понитка, кои не го отворија добро натпреварот. Сепак, како што двајцата почнаа да се будат, Полјаците ја стопија предноста, но секогаш кога се приближуваа, Роберсон го одбиваше налетот.
JORDAN LOYD IS ELITE.#EuroBasket | #MakeYourMark pic.twitter.com/Hrai3IULl5
— FIBA EuroBasket (@EuroBasket) September 7, 2025
Полска повторно беше во налет во третиот дел, но се чинеше дека Босна, преку Нуркиќ, повторно успеа да се одвои. Сепак, Понитка влезе во серијата и, со помош на Балцеровски, режираше пресврт на влезот во последните десет минути.
Таму, тимовите се менуваа во водството, сè додека Лојд не ги зеде работите во свои раце и, со помош на своите соиграчи, не ги одлепи Полјаците. Повредата на Роберсон исто така помогна за тоа, па Босна остана без својот најдобар играч на овој натпревар во средината на последниот дел.
Тимот на Игор Миличиќ, сепак, се опушти, што Босна го искористи за да додаде драма во финишот на натпреварот. Сепак, Полска го одби тој налет преку Понитка и Лојд, и оствари триумф и пласман во следната фаза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
