Најдобриот тенисер на сите времиња, Новак Ѓоковиќ, долго време ја брка својата 25-та гранд-слем титула. Сакаше да го подигне трофејот на Отвореното првенство на САД, но беше спречен на патот од Карлос Алкараз во полуфиналето.
Младиот Шпанец потоа го освои Отвореното првенство на САД, победувајќи го својот лут ривал, Италијанецот Јаник Синер, во финалето. Ова е шести гранд-слем трофеј за Алкараз, втор на Отвореното првенство на САД, додека Синер остана на четири.
Апсолутен рекордер по бројот на освоени гранд-слем титули е Новак Ѓоковиќ со 24 трофеи во својата витрина, а сè започна уште во 2008 година кога го освои Мелбурн.
На социјалните мрежи се појавија фотографии од вчерашните финалисти на Отвореното првенство на САД, кои се направени во 2008 година, истата година кога Ѓоковиќ ја освои првата гранд-слем титула.
Your four US Open semi-finalists back in 2008: pic.twitter.com/wPnRqUSYTW
— Jason (@Certinfy) September 4, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
