Кошаркарската репрезентација на Србија доживеа срамна елиминација од Финска во 1/8 финалето на неодамна завршениот Евробаскет во Рига.
„Орлите“ пристигнаа на континенталното првенство со огромни очекувања и важеа за прв фаворит на турнирот, но повредата на капитенот Богдан Богдановиќ во натпреварот од второто коло од групната фаза сè промени.
Без својот лидер, Србија веќе беше елиминирана во раната фаза, а Богдановиќ го започна своето закрепнување поради пукнатината на задната ложа.
„На почетокот ме исплаши, како и сите други. Но, никогаш не се знае со делумна руптура. Потребни се 4-6 недели за опоравување. Јас сум на пет. Сега се чувствувам добро. Работам со момците. Се обидувам да трчам покрај нив, да ги правам сите вежби и да играм“, рече Богдановиќ.
Тој потоа зборуваше за Евробаскетот, кажувајќи дека доколку бил здрав и играл, Србија можела да стигне до самата завршница.
„И натаму верувам дека да останев таму и да бев здрав, ќе имавме одлична шанса да освоиме злато. Но, сега тоа е готово. Целосно сум фокусиран кон следните предизвици“, изјави Богдановиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
