Познатиот кошаркарски судија Урош Николиќ (40) е уапсен вчера во голема полициска акција, по наредба на Јавното обвинителство за организиран криминал, под сомнение дека е дел од организирана криминална група за која се сомнева дека вршела тешки кривични дела, пренесува „Блиц“.
Николиќ бил приведен во меѓународна полициска операција во која биле приведени вкупно 10 лица.
Николиќ е судија кој дели правда на натпревари од кошаркарската Евролига. Тој треба да биде денеска сослушан во Јавното обвинителство за организиран криминал.
Во соопштението на Обвинителството за организиран криминал се наведува дека во оваа операција се уапсени лица со следните иницијали: Б.С., УН, С.М., М.А., НО., М.Т. и М.Ќ., три лица во Шабац: Ѓ.Т., С.М. и Д.Г., како и три лица од странство: М.Ѓ., А.О. и В.М., од кои две во Кралството Шпанија.
Горенаведените лица, членови на организираната криминална група, таканаречени жители на Врачар и организирани криминални групи кои тесно соработуваат со нив, се лишени од слобода поради постоење на основано сомнение дека сториле кривични дела здружување со цел извршување кривични дела од чл. 346, тешко убиство од чл. 114 и предизвикување општа опасност од чл. 278 од КЗ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
