Кошаркарскиот клуб Трапани и официјално е исфрлен од италијанското првенство.
Познато е дека Трапани веќе подолго време се справува со сериозни финансиски проблеми, поради што играчите континуирано го напуштаат клубот. Сè кулминираше кога на натпреварот од Лигата на шампионите на ФИБА против Хапоел клубот се појави со минимален број кошаркари.
За време на натпреварот, тројца играчи беа повредени, додека еден играч заработи пет прекршоци, па Трапани во еден момент остана само со еден слободен кошаркар на паркетот.
Натпреварот беше прекинат, а Трапани беше дисквалификуван од натпреварувањето. Судбината ќе ја доживее и дома, по одлуката на Националниот арбитражен суд за спорт и натпреварот против Тренто, кој траеше само четири минути.
UFFICIALE: TRAPANI SHARK E’ ESCLUSA DAL CAMPIONATO
Il Giudice Sportivo Nazionale (…) Dispone l’esclusione della Trapani Shark (cod. FIP 050927) dalla partecipazione al Campionato di serie A per la presente stagione sportiva 2025-2026, conservando il diritto di iscriversi ai… pic.twitter.com/jgQV6bFIxF
— Alessandro Luigi Maggi (@AlessandroMagg4) January 12, 2026
Сите претходни резултати (10 победи и пет порази) на тој тим ќе бидат избришани, додека оние кои сè уште не играле против Трапани ќе добијат неочекуван одмор за време на тие натпревари.
На клубот ќе му биде дозволено да регистрира играчи за следната сезона, но останува да се види во која натпреварувачка лига.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
