Тензиите во Панатинаикос се закануваат да ескалираат бидејќи неочекуваните порази продолжуваат во текот на сезоната, а последниот по ред против Колосус од Родос во „ОАКА Арената“ особено го потресе грчкиот гигант, особено што дојде само неколку дена по драматично загубениот натпревар против Фенербахче.
Арис, Партизан, Фенербахче, Колос се имињата на ривалите од кои Панатинаикос загуби само во овој месец, па затоа не е изненадувачки што никој во „зелениот“ дел од Атина не е среќен.
По натпреварот, кошаркарите беа испратени со свирежи, Атаман веднаш отиде во соблекувалната, а сопственикот на клубот Димитрис Јанакопулос, наместо монолог, само постави прашање:
„За кои гревови плаќам?“, гласеше пораката на првиот човек на Панатинаикос, клуб чии проблеми стануваат сè покомплицирани со текот на времето.
Дека и Атаман бил во лоша состојба после поразот, говори фактот што имал едночасовен разговор со своите кошаркари и помошници, поради што прес-конференцијата после мечот била одложена.
Атаман во следните неколку дена ќе размисли за својата иднина, со оглед дека доби свирежи од навивачите по најновиот пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
