Хаотичниот финиш на слаломот во Кортина на Зимските олимписки игри не влијаеше на една од најголемите во историјата! Микаела Шифрин го освои златниот медал со 1:50 секунда предност пред нејзината најблиска соперничка.
За 30-годишната Американка, ова е осма победа во слалом оваа сезона, при што само ја продолжи својата доминација од Светскиот куп со две брилијантни трки. Тоа е четврти олимписки медал за Шифрин, трето злато и одличен кам-бек по Пекинг, каде не освои ниту еден медал.
Пред неа – хаос на патеката, притисокот си го направи своето. Корнелија Елунд, трета по првото возење, направи голема грешка во долниот дел од патеката па не заврши. Лена Дир, втора по првото возење, ја промаши веќе првата капија и ја шокираше публиката – и остана без место.
Камил Раст и Ана Свен Ларсон исто така завршија на подиумот.
Швајцарката Раст, која во јули полни 27 години, освои сребро и свој прв олимписки медал. Првиот олимписки медал е воедно и бронзен за Швеѓанката Ларсон во нејзината веројатно последна можност, со оглед на тоа што во јуни полни 35 години.
Швајцарката Венди Холденер беше четврта, 21 стотинка зад Ларсон, Катарина Трупе беше петта, а потоа следуваа: Катарина Хубер, Мелани Мајер, Ема Ајхер и Кејтлин Мекфарлан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
