Македонскиот репрезентативец Лука Станковски треба во следниот период да го комплетира трансферот од Раднички Крагујевац во украинскиот тим на Колос Коваливка. Станковски стигна во РАднички во 2024 година, и го напушта клубот после 1,5 година. Прво пристигна како позајмен од Газиантеп, а потоа со пермаментен трансфер.
Колос е шестопласирана во украинскиот шампионат во моментов, со 25 бодови од 16 натпревари. Македонецот оваа сезона за Раднички одигра 16 натпревари, и не постигна гол. Не е познато колку Раднички ќе заработи од овој трансфер, но Украинците се согласиле да платат отштета.
Трансфер пазарот во Украина е отворен уште 18 денови, и нема никаква пречка да се реализира потписот на Станковски во овој тим. Се очекува во следните часови украинскиот тим да го промовира Станковски за свој нов фудбалер, и да обелодени детали околу договорот.
Станковски во последно време се наоѓаше на списокот на македонската репрезентација под водство на Благоја Милевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
