Македонскиот кошаркарски репрезентативец Андреј Шошкиќ продолжува со фантастична сезона во дресот на Универзитетот Стони Брук. Синоќа, „Сивулфс“ славеа дома против Хемптон со 79-72, а Шошкиќ повторно беше клучен фактор со 14 поени, 3 скока и 3 украдени топки за 35 минути на теренот.
Со само три натпревари до крајот на регуларниот дел, македонскиот плејмејкер бележи импресивни проценти: 51,4% од игра, 46,8% за три поени и фантастични 95% од слободни фрлања. Оваа сезона просечно дава околу 9,8 поени, 2,7 скока и 2,5 асистенции по натпревар, а Стони Брук се бори за високо место во конференцијата CAA.
Само 11 кошаркари во историјата на НЦАА успеале да ја завршат сезоната со вакви бројки. Последен кој го направил тоа е актуелниот НБА-играч Треј Марфи (сезона 2020/21), а единствениот дебитант (како Шошкиќ) со ваков учинок е Ајзеа Вилијамс пред 12 години. Уште поимпресивно е тоа што само 10 кошаркари во историјата на НБА имаат завршено сезона со ваква статистика, а во тоа друштво се имиња како Лери Бирд, Реџи Милер и Стеф Кари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
