Двократниот европски шампион Вардар стигна до голема победа во главната групна фаза во Лигата на Европа откако вечерва славеше на домашен терен против Мелсунген со 37-33.
За разлика од мечот во Лисабон, Вардар стартуваше цврсто во одбраната, а прв во нападот го начна голот на противникот Јака Малус за водство од 1-0 на „црвено-црните“ во третата минута. Вардарци во првата третина од полувремето правеа многу грешки во нападот, а одличен на голот на гостинскиот тим беше Бартуч кој забележа три интервенции во воведните десет минути по кои гостите имаа позитива од четири гола 4-8.
Иван Чупиќ мораше да реагира со тајм-аут, но и тој не помогна. Следуваа нови грешки во нападот, а Германците поведоа и со шест голови разлика 4-10. Црвено-црните успеаја да заиграат подобро во следниот период и успеаја да ја преполоват негативата (9-12). Сепак, тоа беше само краток блиц-криг бидејќи Мелсунген многу брзо ја врати позитивата од шест гола 9-15 во 22. минута.
Избраниците на Иван Чупиќ конечно заличија на себе па во 27. минута за намалија на само два разлика 14-16, по кои и гостинскиот тренер Парондо мораше да го побара својот прв тајм-аут. До крајот на првиот „црвено-црните“ намалија на еден разлика 18-19.
Вардар одлично го отвори вториот дел и брзо стигна до предност од 22-21.
Како одминуваше вториот дел Вардар заигруваше се подобро, а на влезот во последните десет минути стигна првпат до најголеми плус четири 31-27. До крајот избраниците на Иван Чупиќ успеаја да ја задржат предноста за голема победа од 37-33.
Јака Малус со десет гола и Воркапиќ со девет погодоци беа први имиња во таборот на победникот, додека кај поразените Стефансон заврши со 11 погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
