Капитенот на Челси, Рис Џејмс, се согласи на нов шестгодишен договор што ќе го задржи на Стемфорд Бриџ до 2032 година, објави клубот. 26-годишникот е производ на академијата на Лондончани и го имаше своето деби во првиот тим на „сините“ во септември 2019 година.
Англискиот репрезентативец е најплатениот играч во клубот со плата од 250.000 фунти неделно. Тековниот договор на Џејмс требаше да истече во 2028 година, што го прави неговото обновување приоритет за клубот. Тој го потпиша својот претходен договор кратко откако Тод Боули и Клирлејк Капитал го презедоа сопствеништвото во 2022 година.
Оваа сезона, Џејмс започна 19 од своите 26 натпревари во Премиер лигата за „сините“ и има одиграно 225 натпревари за клубот.
Џејмс ја освои Лигата на шампионите со Челси во 2021 година, како и Суперкупот на УЕФА таа година, а исто така и Лигата на конференции и Светското клупско првенство во 2025 година. Тој беше избран за капитен пред три години.
Made in Cobham. Here to stay. pic.twitter.com/0u0TqljnVC
— Chelsea FC (@ChelseaFC) March 13, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
