Откако се раздели со Франческо Табелини, Париз одлучи да најде решение во тренерскиот штаб, па Џулиус Томас беше назначен за привремен тренер до крајот на сезоната .
Томас има само 27 години и со тоа стана најмладиот главен тренер во историјата и на Евролигата и на француската ЛНБ Про А лига, што покажува колку клубот им верува на младите експерти и на сопствениот систем на работа.
Тој веќе беше дел од тренерскиот штаб, откако пристигна во клубот во летото 2023 година, кога работеше во тренерскиот штаб на Томас Исал, а подоцна остана во тимот на Тијаго Сплитер. Во тој период, тој одигра улога во создавањето на препознатливиот, брз стил на игра по кој Париз стана познат во текот на изминатите две сезони.
Промената на клупата доаѓа по тешката сезона во Евролигата, каде што Париз моментално е близу до дното на табелата, на 17-то место со резултат од 12-21.
Сепак, во домашното првенство, тимот продолжува да бележи добри резултати и моментално е на третото место во француската лига со скор од 16-7, па затоа младиот тренер ќе има задача да го стабилизира тимот и да се обиде да ја заврши сезоната на најдобар можен начин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
