По возбудливиот финиш, Детроит Пистонс ги победија Лејкерси (113:110) на домашен терен и со тоа ја прекинаа одличната серија од девет последователни победи на тимот од Лос Анџелес во најсилната лига во светот.
Пистонс имаа големи +16 само пет минути до крајот на натпреварот (105:89) и се чинеше дека рутински ќе забележат триумф, но гостите не се предадоа. Направија серија и на две и пол минути пред крајот израмнија. Сепак, во возбудливото финале, домашните се снаоѓаа подобро. Благодарение на резервниот плејмејкер Денис Џенкинс, кој постигна рекорд во кариерата на овој натпревар, успеаја да остварат триумф. И Лејкерс можеа да дојдат до предност и на крај до победа, но Дончиќ не успеа да погоди.
Џенкинс го замени повредениот Кејд Канингем на одличен начин – тој беше најефикасен во својот тим со 30 постигнати поени. Џејлен Дурен имаше одлична игра, завршувајќи го натпреварот со 20 поени и 11 скока, додека искусниот Харис додаде 12 поени.
Во тимот на Лејкерси, Лука Дончиќ повторно беше најефикасен . Словенецот постигна 32 поени, но доста промаши во овој натпревар, играјќи 11/29 од поле и слаби 3/13 од три топки. Додаде седум скока, шест асистенции и три украдени топки. Треба да се напомене дека ова беше 10-ти натпревар по ред во кој постигна 30+ поени .
НБА, РЕЗУЛТАТИ
Детроит – ЛА Лејкерс 113:110
Мајами – Сан Антонио 111:136
Орландо – Индијана 126:128
Филаделфија – Оклахома Сити 103:123
Атланта – Мемфис 146:107
Чикаго – Хјустон 132:124
Јута – Торонто 127:143
Далас – Голден Стејт 131:137 (по продолжение)
Портланд – Бруклин 134:99
ЛА Клиперс – Милвоки 129:96
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
