Мохамед Салах на крајот на сезоната и официјално ја завршува својата авантура во Ливерпул. Напаѓачот постигна договор со „црвените“ со кој ќе го затвори извонредно деветгодишно поглавје на „Енфилд“.
Салах изрази желба да го објави ова соопштение до навивачите што е можно поскоро за да обезбеди транспарентност за неговата иднина поради неговото почитување и благодарност кон нив.
Тој дојде од Рома во летото 2017 година и цврсто се етаблираше како еден од најголемите играчи во историјата на Ливерпул, помагајќи му на клубот да освои по две титули во Премиерлигата и Лига купот и по една во Лигата на шампионите, Светското клупско првенство, Суперкупот на УЕФА, ФА Купот и Комјунити Шилд.
Неговите 255 гола во 435 настапи досега го ставаат Египќанецот на третото место на листата на најдобри стрелци на „црвените“ на сите времиња, освојувајќи ја „Златната копачка“ во Премиерлигата во четири наврати.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
