Четирикратниот светски шампион во Формула 1, Макс Ферстапен, побара од новинар да го напушти брифингот за медиумите пред Големата награда на Јапонија, бидејќи сè уште беше вознемирен поради прашањето што истиот новинар му го постави во декември за инцидентот што потенцијално го чинеше петта последователна шампионска титула кај возачите.
„Нема да зборувам додека не замине“, рече Ферстапен додека седнуваше да одговара на прашања во падокот на Ред Бул во Сузука пред третата трка од сезоната, барајќи од новинарот на Гардијан да „излезе“.
„Сега можеме да почнеме“, додаде тој откако новинарот си замина.
Ферстапен се судри со новинарот од Гардијан по финалето на сезоната во Абу Даби во декември, кога Ландо Норис од Мекларен ја освои титулата со само два бода разлика.
Новинарот го праша Ферстапен дали жали за инцидентот на Големата награда на Шпанија во јуни, во кој беше вклучен возачот на Мерцедес, Џорџ Расел, во кој Холанѓанецот доби казна од 10 секунди што значеше пад од петтото на десеттото место и го чинеше девет драгоцени бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
