Раководството на Атлетико Мадрид вложува сериозни напори да го задржи Хулијан Алварез во тимот. Раководството на Мадрид е подготвено да му понуди продолжување на тековниот договор, кој е до летото 2030 година, како и солидно зголемување на платата, што ќе го направи еден од најплатените играчи во клубот, заедно со Јан Облак.
Моментално, напаѓачот добива околу 7 милиони евра, но „душеците“ се подготвени да ја зголемат платата на играчот на 10 милиони доколку се согласи да го продолжи договорот за една или две сезони и да не замине во претстојното лето. „Ријад Ер Метрополитано“ категорично не сака да се раздели од Аргентинецот и е подготвен сериозно да се бори да го задржи во својот тим.
Неизвесноста околу Хулијан Алварез се засили во последните недели, откако неговото име почна сè повеќе да се поврзува со трансфер во Барселона. Неговото име беше дури и вклучено во изборната кампања на каталонските претседателски кандидати, на која победи Жоан Лапорта.
Новите сопственици на Атлетико Мадрид, во лицето на американскиот инвестициски фонд „Аполо“, не сакаат да започнат да го управуваат клубот, губејќи еден од своите најважни играчи. Алварез беше потшишан од Атлетико Мадрид за 75 милиони евра од Манчестер Сити во летото 2024 година. Тој брзо се вклопи во визијата на Диего Симеоне и стана еден од најважните играчи во тимот. Оваа сезона има вкупно 17 гола и 9 асистенции во 44 натпревари во сите натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
