Иранските власти го конфискуваат имотот на репрезентативниот напаѓач Сардар Азмун.
Денес, главниот обвинител на покраината Голестан објави дека властите започнале процес на конфискација на регистрираниот имот на 16 лица осомничени за „поддршка на ционистичкиот режим и терористичката влада на Соединетите Американски Држави“.
Според новинската агенција Фарс, која е блиска до Исламската револуционерна гарда, на овој список бил вклучен 31-годишен фудбалер.
Претходно, медиумите објавија дека Азмун бил исклучен од иранската репрезентација откако објавил фотографија на социјалните мрежи со премиерот на ОАЕ, Мохамед бин Рашид Ал Мактум. Иранскиот фудбалски експерт Мохамед Мисаги го нарече ова „чин на нелојалност“ кон владата.
Од сезоната 2024/25, Азмун игра за Шабаб Ал-Ахли од ОАЕ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
