Македонската репрезентација во недела ќе одигра уште еден „ревијален“ натпревар во мартовскиот календар. Откако загуби од Данска во Копенхаген убедливо со 4-0 и ги загуби шансите за пласман на Мундијалот, Македонија ќе игра во вторник (31. март од 20:45 часот) против Република Ирска во Даблин, која вечерва беше поразена од Чешка, по изведувањето на пенали.
Ирците имаа предност од 2-0, а потоа Чесите успеаја да се вратат и да израмнат на 2-2, по што мечот замина во продолженија.
Ниту таму немаше промена на резултатот, па мораше да се изведуваат пенали. Херој на чешкиот национален тим е Матеј Ковар кој одбрани два пенали, а Чесите реализираа четири удари од белата точка и си закажаа меч против Данска.
Двете поразени екипи од полуфиналниот бараж, во момент кога се далеку од желни за игра, ќе го играат најбесмислениот натпревар, исклучиво за ТВ права и покривање на ФИФА терминот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
