Лука Дончиќ одигра одличен натпревар со 41 поен и осум скока во победата на Лос Анџелес Лејкерс од 116-99 над Бруклин Нетс во петокот вечерта.
Одличниот Словенец ја испиша историјата на Лејкерс на натпреварот, но исто така заработи и 16-та техничка грешка, што значи дека, доколку не се поништи, ќе го пропушти претстојниот натпревар. Минатата недела, НБА поништи една техничка грешка против него, поради вербален конфликт со Гого Битадзе од Орландо.
Остин Ривс постигна 15 од своите 26 поени во последниот дел, додека Лејкерс конечно се одвоија од младиот тим на Нетс и ја обезбедија својата 11-та победа во последните 12 натпревари. Леброн Џејмс придонесе со 14 поени и осум асистенции за Лејкерс, кои се вратија од успешната гостинска турнеја со резултат од 5-1, што ги искачи на третото место во Западната конференција.
За Нетс, кои го забележаа својот десетти едноподруго пораз, Џош Минот беше најдобар со 18 поени и шест скока. Ник Клакстон и Зијаир Вилијамс додадоа по 16 поени, но двајцата, заедно со Ноа Клоуни, ја поминаа целата последна четвртина на клупата.
И покрај серијата порази, младите Нетси добро се држеа против Лејкерси, кои изгледаа уморни по патувањето. Тие успеаја да го надоместат раниот двоцифрен дефицит и дури поведоа во четвртата четвртина, но на крајот сепак го регистрираа својот 20-ти пораз во последните 22 натпревари.
Инцидент со Вилијамс и можна суспензија
Дончиќ погоди пет тројки на патот до неговиот 15-ти натпревар во сезоната со 40 или повеќе поени, но словенечката ѕвезда се соочи со проблеми во третата четвртина. Тој и Зијаир Вилијамс добија технички грешки.
Инцидентот започна кога Вилијамс диво го прослави напаѓачки фаул врз Дончиќ, гласно викајќи му. Откако Дончиќ се обиде да го турне Вилијамс со раката, Вилијамс возврати со шлаканица по лицето и вратот.
Zaire Williams getting chippy with Luka Doncic 👀 hits him in the face
pic.twitter.com/pAMRMeDHni— HoopVillain😈 (@HoopVillain_) March 28, 2026
Во овој натпревар, Дончиќ стана првиот играч на Лејкерси по Коби Брајант од сезоната 2012/13, кој со просек од 30+ поени по натпревар, достигнал најмалку 100 поени. Статистичарите наведуваат дека тој е првиот во историјата на клубот со повеќе од 2.000 поени, 500 асистенции и 100 освоени топки во една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
