Седумкратниот светски шампион Луис Хамилтон денес изјави дека Големата награда на Јапонија била „прилично ужасна“ за него откако заврши шести и покрај тоа што во еден момент беше во конкуренција за подиумот.
На патеката Сузука, возачот на Ферари го искористи излезот од безбедносното возило за да се искачи на третото место, но не успеа да ја задржи позицијата на целта.
Хамилтон по трката истакна дека имал сериозни проблеми со моќноста на автомобилот и дека не можел да го одржи темпото на своите ривали.
„Прилично ужасна трка, затоа што бев трет, а потоа почнав да губам позиции. Морам да сфатам каде губев моќ“, изјави тој.
Тој додаде дека особено во вториот дел од трката имал пад на перформансите и дека не можел да го одржи темпото дури ни со свежи гуми, што според него било „многу збунувачко“. Хамилтон рече дека тимот ќе треба да ги анализира проблемите за да го разбере губењето на перформансите за време на трката.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
