Српскиот ракометен вицешампион Партизан не престанува со ангажман на звучни имиња, најавувајќи голем напад на Лигата на шампионите. Најновото мега-засилување во Хумска е австрискиот пивот Тобијас Вагнер, кој со тимот потпиша договор на „1+1“ година. Вагнер веќе ги освои симпатиите на јавноста, обраќајќи им се на навивачите со видео-порака на српски јазик.
Проектот на „црно-белите“ добива сериозни контури под палката на новиот стратег и актуелен српски селектор, Раул Гонзалез, кој официјално пристигнува во јули.
„Здраво Гробари, јас сум Тобијас Вагнер и играм за Австрија. Од следната сезона ќе играм за Партизан. Ајде да одиме до крај“, беа првите зборови на австрискиот интернационалец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
