НБА отвори истрага против Милвоки Бакс околу начинот на кој клубот ги регулира правилата за перформанси на играчите и потенцијално неконзистентните изјави за здравјето на Јанис Андетокумбо, потврдија извори за ESPN во петокот. Според извештаите, Андетокумбо и Бакс им раскажале на истражителите различни приказни за тоа зошто грчкиот кошаркар не игра, пишува ESPN.
Андетокумбо ги информирал Бакс и лигата дека сака да игра, но тимот не е подготвен да му даде лекарско одобрение. Милвоки, од друга страна, ѝ кажал на лигата дека веруваат дека Андетокумбо не е подготвен да се врати, иако потврдиле дека тој сака да биде на теренот. Лигата веќе побарала изјави од Андетокумбо, претставниците на Бакс и лекарите на тимот.
Андетокумбо, кој го пропушти својот десетти натпревар по ред откако претрпе хиперекстензија на левото колено на 15 март против Пејсерс, разговараше со новинарите пред поразот од Бостон Селтикс во петокот (133-101) и повтори дека се чувствува здраво.
„Подготвен сум да играм, но не сум во тимот“, рече тој во петокот. „Подготвен сум да играм денес. Токму сега. Подготвен сум.“
„За некој да дојде кај мене и да ми каже да не играм или да не се натпреварувам, тоа е како да ме плеснал со шлаканица. Затоа не знам во која насока ќе оди нашиот однос после ова“, рече Андетокумбо.
На крајот од минатиот месец, се огласи и Националната асоцијација на играчи на кошаркарска лига (NBPA), која упати остри критики до Бакс. Соопштението имплицираше дека Милвоки „намерно губи натпревари“ и со тоа го поткопува интегритетот на натпреварувањето. Бакс беа елиминирани од трката за плејофот на 28 март, што беше прв пат од 2016 година да не учествуваат во плејофот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
