Екипата на Охрид го совлада тимот на Новаци со 3-0 во првиот меч во 23. коло од Втората лига. Охриѓани рутински славеа триумф, и сега мирно од врвот ги чекаат резултатите на останатите ривали за влез во прволигашката конкуренција.
Каланоски ги донесе охриѓани во предност, откако погоди по една нафрлена топка, и со волеј го совлада гостинскиот голман. Тоа беше резултат по првиот дел.
Во второто полувреме прекрасен гол постигна Димитриоски. Овој играч од средина ја „украде“ топката, стигна до 20 метри и ја смести во горниот десен агол од голот на Новаци. Глигоров во финишот ги постави конечните 3-0 на овој меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
