Капитенот на Шкендија, Бесарт Ибраими од херој се претвори во трагичар во мечот со Пелистер, откако по израмнувачкиот погодок, не успеа да постигне уште еден, и да донесе пресврт за својот тим.
Ибраими постигна гол во 43. минута од средбата и така донесе израмнување.
Шкендија во второто полувреме целосно ја презеде иницијативата, имаше две добри шанси преку Тамба, а потоа Бесарт Ибраими можеше да биде апсолутен херој. Но, се претвори во трагичар откако не успеа да реализира две добри шанси. Особено онаа првата кога од само 3-4 метри го префрли голот на Јовчевски.
Веднаш потоа Ибраими имаше уште една можност, меѓутоа овојпат од некои 12-13 метри со силен удар го префрли голот. Овие две промашувања потоа ги казни Керим, кој во 92. минута постигна гол вреден голема победа на Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
