Хари Мегваер неодамна го продолжи договорот со Манчестер Јунајтед за уште една година. Англискиот клуб објави дека 33-годишниот дефанзивец потпишал нов договор, отстранувајќи ја неизвесноста околу неговата иднина бидејќи неговиот стар договор истекува на крајот од оваа сезона. Мегваер сега е врзан за клубот до јуни 2027 година, со опција за продолжување за уште една сезона.
Во септември 2023 година, кога дефанзивецот на Манчестер Јунајтед, Хари Мегваер, беше, според сопственото признание, на најниската точка од својата кариера, исмејуван и навредуван додека играше за Англија против Шкотска, неговата мајка Зои се огласи на социјалните мрежи. Таа го нарече третманот на својот син „срамен и неприфатлив“, а Мегваер денес се сеќава на тоа со насмевка.
„Не сакав таа да го направи тоа, но таа само рече: „Ќе го направам тоа! Не ве слушам повеќе!““, им рече Мегваер на новинарите во тренинг кампот на клубот во Ирска.
„Мислам дека ваквите работи веројатно повеќе влијаат на семејството. Тие видоа низ што поминувавме и колку беше тешко. Веројатно беше најниската точка, но е дел од патувањето. Не би го променил она низ што поминав. Дефинитивно ме направи посилен и ме доведе до местото каде што сум денес.“
Сепак, 33-годишниот Мегваер верува дека играл „навистина добро“ во шест од неговите седум сезони на Олд Трафорд.
„Сè уште верувам, дури и на мои години, дека сум веројатно еден од најдобрите дефанзивци во светот во моментов. Не мислам дека тоа воопшто се поставува прашање, затоа што можам да бидам многу ефикасен во доцните натпревари, без разлика дали браниме водство или се обидуваме да го свртиме резултатот.“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
