Второпласираниот тим на табелата во Бундеслигата, Борусија Дортмунд донесе одлука околу иднината на тренерот Нико Ковач. Хрватот има договор со Борусија до 2027 година, и од таборот на „милионерите“ нема никаква дилема дека ќе остане и идната сезона на клупата на тимот, и покрај шпекулациите дека може да си замине.
Борусија во моментов е второпласирана екипа во Бундеслигата, и веројатно сезоната ќе ја заврши без трофеј, со оглед дека веќе е надвор од Купот на Германија, а беше елиминирана и од Лигата на шампионите од Аталанта во плеј-офот.
Ковач дојде во Дортмунд во февруари минатата година. Со тимот веднаш дојде до пласман во Лигата на шампионите освојувајќи ја четвртата позиција, и покрај тоа што беше во тешко заостанување.
Претходно Ковач беше тренер на Волфсбург, Монако, Баерн Минхен, Ајнтрахт Франкфурт, а беше селектор на Хрватска како на сениорите, така и на младинската селекција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
