Голем скандал го означи почетокот на австралиското првенство во атлетика, на кое Џесика Хал остана без речиси сигурно злато по драматичниот пад на самиот финиш од трката на 1.500 метри.
На трката одржана во Сиднеј, искусната атлетичарка и една од главните фаворитки ги контролираше настаните на патеката и влезе во последните 50 метри во водство, изгледајќи подготвена да ја доведе трката до рутински крај.
Сепак, во моментот кога требаше да ја потврди својата доминација, се случи целосен хаос.
Клаудија Холингсворт се обиде да ја заобиколи одвнатре, но потоа го смени правецот и ја сопна противничката, што доведе до пад на Хал и секоја шанса за победа. Но и покрај сè стана и ја заврши трката.
Таа ја помина целта со време од 4:32,96, што беше доволно само за последното место. Од друга страна, Холингсворт прва ја помина целта, но нејзината радост беше краткотрајна.
Откако ја разгледаа ситуацијата, судиите ја дисквалификуваа за мешање во противничката траекторија. Така, победата на крајот и припадна на Сара Билингс, која ја заврши трката со резултат од 4:17.36.
🇦🇺A fairly chaotic ending to the 1500m final at the Australian Championships as Jess Hull falls in the final stretch, Claudia Hollingsworth took the win but then got is disqualified for jostling.
As a result, Sarah Billings was awarded the title in 4:17. pic.twitter.com/nm3aAAGHXI
— CITIUS MAG (@CitiusMag) April 10, 2026
По трката, Хал се обиде да објасни што се случило, истакнувајќи дека бавното темпо често води до вакви ситуации.
„Кога трката е толку бавна, се случуваат вакви работи. Делумно можам да се обвинам себеси, бидејќи дозволувам темпото да биде толку бавно. Имам мало чувство дека се држев за работ на патеката бидејќи знаев дека некој е таму, и го забрзав темпото. Кој и да доаѓаше зад мене, само ме притисна. Кога трчаш со таа брзина, најмалиот контакт е доволен за да паднеш“, рече Хал.
Она што дополнително ја зголемува драматичноста на целиот настан е фактот дека Хал влезе во трката како убедлив фаворит.
Таа го постигна најдоброто време во квалификациите, а нејзините резултати во текот на сезоната јасно ја издвојуваат од конкуренцијата.
Неодамна освои сребрен медал на Светското првенство во сала во 2026 година, каде што постави и рекорд на Океанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
