Фудбалерите на Барселона го победија Еспањол на „Камп Ноу“ со убедливи 4-1, во натпреварот од 31. коло на Ла Лига.
Каталонците го искористија вчерашното реми на Реал, па сега се издвоија на +9 бода пред „кралевите“ во битката за титула.
Мечот го одбележа Ламин Јамал. Во 100-от натпревар во Ла Лига во својата кариера, тој регистрираше две асистенции веќе во првото полувреме. Стрелец во 9. и во 25. минута беше Феран Торес.
Гостите го намалија водството преку Пол Лосан во 56. минута, а потоа имаа уште неколку можности да израмнат.
Не успеаја, па казната дојде во 87. минута. Сега, Јамал погоди за 3-1.
Победата ја „запечати“ Маркус Рашфорд во 89. минута од играта, по центаршутот на Френки де Јонг.
Барса е прва на табелата со 79 бода, девет повеќе од Реал, додека Еспањол е 10-ти со 38 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
