Мајкл Карик го претрпе првиот пораз на домашен терен како менаџер на Манчестер јунајтед откако „црвените ѓаволи“ вечерва беа шокирани пред своите гледачи од Лидс со 1-2.
Пресудно се покажа првото полувреме што домашниот тим го одигра катастрофално, а Лидс знаеше како да го казни тоа со двата гола на Ноа Окафор. Гостите за малку ќе поведеа и со 0-3 пред крајот на полувремето, но таков исход спречи Лисандро Мартинез со интервенција пред самата гол-линија.
Аргентинецот се претвори во трагичар откако на стартот од второто полувреме доби црвен картон поради влечење за коса на Калверт Луин. Јунајтед и со играч помалку не се предаде, па преку Кашемиро успеа да намали на 1-2. „Црвените ѓаволи“ се обидоа да стигнат и до израмнување, но обидите на Шешко и на Кашемиро не завршија во мрежата, па Карик и неговите избраници со наведнати глави го напуштија теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
