По поразот од ТФТ во дербито, кошаркарите на актуелниот шампион на Македонија, МЗТ Скопје Аеродром се вратија на победите откако ја оправдаа фаворитската улога против Тиквеш (102-77) во премиерниот натпревар од 3. коло разигрувањето за пласман во плеј-офот во Суперлигата.
Двете екипи напаѓачки добро го отворија натпреварот, а по десет минути игра домаќините имаа предност од само три поени 24-21. Избраниците на Васко Атанасов клучната разлика ја направи во вториот период кој го доби со +13, а на пауза меѓу двете полувремиња замина со убедлива позитива од 52-36.
Во вториот дел „металците“ само ја зголемуваа разликата за конечни 102-77. Џуан Дејвис со 22 поени беше прво име во таборот на победникот, додека кај поразените Tајрон Хенри постигна 19 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
