Најсилното регионално првенство се врати во етерот овој викенд, а на натпреварите одиграни ширум поранешната Југославија фаворитите ги оправдаа очекувањата. Црвена Звезда славеше убедливо против МЗТ Скопје, Партизан ја прегази Цибона пред гостувањето во нашиот главен крад, а Еврокуп-клубовите Будуќност и Цедевита Олимпија кои воедно се и најголемите ривали на белградските гиганти беа убедливи во своите натпревари.
Будуќност на домашен терен во Подгорица славеше против Сплит со убедливи 94-59 во натпревар во кој црногорскиот тим го од минута во минута го кршеше и го скрши отпорот на хрватскиот состав, додека Цедевита Олимпија дозволи само една егал четвртина против Борац Чачак за победа од 98-81.
Партизан, Будуќност и Цедевита Олимпија воедно се и три од четирите следни противници на МЗТ Скопје во АБА лигата. Следниот дуел за „штрковите“ е против „црно-белите“ во СЦ „Јане Сандански“ на 10.10, потоа следи гостување во главниот град на Црна Гора, а по мечот против Студентски Центар во Аеродром и гостување во Љубљана.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
