Денеска се реализираа многу трансфери меѓу македонските прволигаши. После ангажманот на Фати Исмаили во Воска Спорт и Марио Гасама во Тиквеш, Гостивар официјално објави дека ја засили одбраната со Џелил Абдула, додека Тиквеш реализираше уште едно име во своите редови – Благоја Спиркоски.
Абдула во Гостивар доаѓа од таборот на Шкупи, а во минатото беше дел од неколку екипи меѓу кои Шкендија и Ренова, а има и интернационална кариера играјќи за Де Графшап, Дуизбург и Лапи.
Спиркоски, пак, од Гостивар се сели во Тиквеш. Играчот од средниот ред настапуваше претходно во купи, Силекс, Пелистер, Македонија ЃП, Победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
