Шкотски Абердин ја одби понудата од Еспањол вредна 3,5 милиони евра за македонскиот репрезентативец Бојан Миовски, пренесува англискиот „Дејли Мејл“.
Според „Дејли Мејл“, Абердин не прифаќа сума помала од 7 милиони евра, поради што понудата од Еспањол била веднаш одбиена.
Токму поради тоа, сега како прва опција за Миовски се издвојува италијанската Болоња која исто така е заинтересирана за неговите услуги. Европските медиуми ги пренесуваа и Џирона и Торино, како клубови кои го посакуваат во своите редови македонскиот напаѓач.
Бојан Миовски пред две сезони од унгарска МТК Будимпешта го засили шкотскиот клуб и досега постигна 38 голови во сите конкуренции во дресот на Абердин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
