Фудбалерите на Динамо Загреб се вратија на победите во домашниот шампионат откако вечерва на гостински терен славеа над Шибеник со 0-4 во меч од 12. коло од Хрватската лига.
Гостите поведоа со 0-1 со голот на младиот Сучиќ во 11. минута. Во судиското продолжение во првиот дел на сцена стапи македонскиот интернационалец Аријан Адеми кој успеа да изнуди пенал за својот тим, кој успешно го реализираше Куленовиќ.
Во вториот дел Куленовиќ зголеми и на 0-3 во 50. минута, додека конечните 0-4 беа дело на Мбуку во 86. минута. Aдеми беше заменет на стартот на второто полувреме додека Стефан Ристовски го одигра целиот меч. Кај поразените дел од почетниот тим беше Ленард Жута кој го одигра целиот меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
