Шкендија утре во Струга ќе мора да ја „брка“ негативата од првата полуфинална пресметка со Струга ТЛ во Купот на Северна Македонија.
Стружани го добија првиот меч во Тетово со 2-1 и сега Шкендија патува да ја анулира негативата во потрага по пласман во финалето на Купот.
„Тимот е подготвен да прикаже добра игра и да извлече позитивен резултат. И покрај тоа што имаме негатива од првиот меч одигран во Тетово, одиме во Струга да го дадеме својот максимум за да направиме пресврт“ – вели Фитон Адеми, притоа дополнувајќи:
„Ќе биде многу тежок натпревар, бидејќи првиот натпревар заврши негативно за нас. Гледајќи ги резултатите во првенството, Струга единствениот пат кон Европа го гледа преку Купот и ќе се обидат да дојдат до финалето. Но, ние одиме да дадеме максимум и да се обидеме да победиме и да обезбедиме финале“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
