Македонскиот фудбалски репрезентативец, Аријан Адеми најверојатно до крајот на кариерата ќе остане во редовите на Динамо Загреб, откако ја одби богатата понуда од Обединетите Арапски Емирати и потпиша нов петгодишен договор со клубот од главниот град на Хрватска. Тој за хрватските медиуми говореше за кариерата во Динамо, но и за желбата со Македонија да настапи на Европското првенство.
„Планирам да останам во Динамо Загреб до крајот на кариерата. Единствено нешто што може да ме предомисли е убава понуда од некој од клубовите од топ 5 лигите во Европа. Тоа се понуди поради кои почнав да се занимавам со фудбал. Искрено бев блиску до преселба на Емиратите. Се беше договорено и навистина ми е жал што на некој начин излегов некоректен кон Крун Јурчиќ. Му се извинувам во оваа можност“, изјави Адеми.
Цел на Адеми во новата година е и учество на Европското првенство 2020 со нашата репрезентација.
„Прво не чека Косово, а потоа во финалето најверојатно ќе играме против Грузија. Секако дека сакам да играм на Евро“, заврши Адеми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
