Фудбалерите на Реал Мадрид се изненадија кога Хулен Лопетеги дојде утринава на „Валдебебас“, тренинг – центарот на „кралскиот клуб“ и го одржа планираниот тренинг, прв по дебаклот на „Ел Класико“. Но, јасно е дека тој ќе добие отказ, одлука која треба да биде потврдена на вечерашниот состанок на Бордот на директори.
Претседателот Флорентино Перез веќе го има договорено и новиот предводник, италијанскиот стратег Антонио Конте. Тој пред два дена официјално го „раскина“ договорот со Челси и доби отштета од 10 милиони фунти, а од недела и ќе седне на клупата на Реал Мадрид.
Конте треба да го има своето деби в недела, против Валјадолид на „Сантијаго Бернабеу“, а претходно „кралевите“ во мечот од Купот на Шпанија в среда против нисколигашот Мелилја ќе ги предводи Сантијаго Солари, сегашниот тренер на Б-тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
