Агентот на Џанлуџи Донарума, Енцо Раиола го коментираше потегот на ПСЖ да го отстрани голманот од својот состав непосредно пред мечот од УЕФА Супер-Купот со Тотенхем кој се игра вечерва.
Италијанецот на општо изненадување на сите, не се најде во составот на Луис Енрике. Причината е непродолжување на договорот, иако Енрике го „бранеше тимот“ со тоа што кажа дека одлуката да го изостави голманот е лично негова, и дека му треба друг тип на голман.
„Ја разбирам потребата да се потпише нов голман, но отпуштањето на Донарума после се што направи за клубот е огромно непочитување кое ќе го проценам со адвокатите. Не е важно кој ја донел одлуката, и тренерот работи за клубот“, изјави Раиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
