Серхио Агуеро сезонава нема среќа, искусниот голгетер неодамна се опорави од незгодната повреда, но во меѓувреме беше во контакт со лице позитивно на Covid-19, поради што му беше издадено решение за самоизолација.
Аргентинецот го пропушти куп-дуелот со Бирмингем, а на денешната прес-конференција пред мечот со Брајтон, Пеп Гвардиола обелодени дека уште извесно време нема да го има Агуеро на располагање.
„Тој е во карантин. Ќе остане таму уште девет-десет дена“, кратко прокоментира Гвардиола.
Ова значи дека одличниот голгетер ќе ги пропушти дуелите со Брајтон, Кристал Палас и со Астон Вила од Премиер-лигата,а а речиси сигурно нема да настапи ниту во ФА Купот, каде „граѓаните“ за противник го имаат Челтенам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
