Ајакс успеа да се извлече кон осминафиналето во Лигата на Европа, откако дури по продолженијата на дуелот пред своите навивачи против Ројал Унион успеа да дојде до резултат кој за нив значи останување на европската сцена.
Холандскиот тим имаше предност од 2-0 од првиот натпревар во Белгија, но дозволи вечерва на домашен терен Ројал Унион да дојде до идентични 0-2 по регуларните 90 минути. Па, Ајакс мораше да се спасува со гол во продолженијата за конечни 1-2 и пласман во осминафиналето.
Голот за осминафинале за Ајакс го постигна Тејлор од пенал во 93. минута.
Во тензичен натпревар Андерлехт и Фенербахче во Брисел одиграа без победник, 2-2. Сето тоа беше сосема доволно за пласман на Фенербахче во осминафиналето откако на првиот дуел во Истанбул триумфираше со 3-0.
Во осминафиналето се пласираа и Реал Сосиедад по победата од 5-2 на домашен терен против Митјиланд, како и Викторија Плзен која со 3-0 го победи Ференцварош.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
