Фудбалерите на Ајнтрахт Франкфурт ќе го предизвикаат Ред Бул Лајпциг во финалето на германскиот национален куп, откако вечерва во второто полуфинале славеа на гостувањето кај Штутгарт со 2-3.
Домаќините поведоа со 1-0 со погодокот на Томас уште во 19. минута во натпреварот. Откако на полувреме се замина со овој резултат, гостите со „блиц-криг“ на стартот на вториот дел со погодоците на Ндика во 51. и Камада во 55. минута успеаја да стигнат до целосен пресврт и да поведат со 1-2.
Коло Муани од пенал во 76. минута донесе водство од 1-3 за гостите, додека конечните 2-3 беа дело на Мило во 83. минута. До крај за издвојување е и црвениот картон на Борна Соса во 85. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
