Спортскиот суд на Германската фудбалска федерација го казни Ајнтрахт Франкфурт со неверојатни 440.250 евра за 11 случаи на навивачки инциденти, објавија германските медиуми.
Казната опфаќа десет случаи на неспортско однесување и еден случај на дискриминаторско неспортско однесување од страна на навивачите на Ајнтрахт. Случаите се случиле во седум првенствени и еден куп натпревари. Главно станува збор за разни видови пиротехнички средства, но факт е дека казната е огромна.
Клубот може да искористи до 146.500 евра од оваа казна за подобрување на сопствените безбедносни мерки, инфраструктура или мерки за спречување на насилство, кои мора да бидат документирани и доставени до Германската федерација до 30 септември оваа година.
Ајнтрахт е на осмото место во Бундеслигата со 31 бод, 29 помалку од лидерот Баерн и 11 бода повеќе од зоната за испаѓање.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
