По стартните два порази од националното првенство од екипите на КК Феникс 2010 и КК Пелистер од Битола, тимот на КК Навико Академија ФМП реши да го засили својот ростер и да донесе дополнително засилување за преостанатиот дел од сезоната во домашното првенство и во БИБЛ лигата.
Станува збор за 25-годишниот американски кошаркар Бре Ајви, кој настапува на позициите 1 и 2. Ајви за кого ова е прво интернационално искуство доаѓа од колеџот Сан Хозе Стејт каде во просек постигнуваше по 8,8 поени, 2.7 скока и 2.5 асистенции по натпревар.
Бре Ајви се приклучува на тимот во наредните денови и ќе биде ставен на располагање на тренерот Петровиќ за натпреварот со Кожув, кој е на распоредот наредниот викенд на гости во Гевгелија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
