Атлетскиот клуб Делта е победник на сениоркиот Куп на Македонија кој се одржа на арената „Тодор Проески” во Скопје.
Во најконкурентниот атлетски натпревар во годината во Македонија – Купот за сениор(к)и учествуваа 15 клубови од целата држава, а во севкупен пласман со освоени 1342 бодови триумфираше атлетскиот клуб Делта од Скопје.
На втората позиција заврши АК Куманово со освоени 892 бодови, а третото место им припадна на АК Центар од Скопје со освоени 592 бодови.
Во одлична атмосфера и возбудливи трки беа постигнати и три национални рекорди на Македонија, сите од атлетичарите на Делта: -Михаил Петров рекорд на 400 метри за млади младинци – 50.21; – штафета 4×100м – 43.78 младински и сениорски клубски рекорд; – штафета 4×400м – 3:29.28 младински клубски и репрезентативен рекорд.
ПЛАСМАН ОД АТЛЕТСКИОТ СЕНИОРСКИ КУП НА МАКЕДОНИЈА
МАЖИ
- АК Делта
- АК Куманово
- АК Работнички
ЖЕНИ
- АК Куманово
- АК Делта
- АК Центар
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
