Тешката победа над Плимут во ФА Купот, Манчестер Сити скапо ја плати бидејќи остана и без услугите на Нејтан Аке, холандскиот стопер кој поради повреда на стапалото подолг период нема да му биде на располагање на Пеп Гвардиола.
Аке беше успешно опериран, а и покрај тоа што англискиот клуб не наведе колку долго ќе отсуствува од терените, очекувањата се дека доколку се врати оваа сезона тоа би било во самата завршница.
„Ова е многу фрустутачка сезона за мене, но сега имав операција за фрактурата на стапалото која ме мачеше со месеци и со оптимизам гледам кон иднината. Ме очекува одмор и рехабилитација. Се гледаме наскоро, ви благодарам за поддршката“, напиша Аке на социјалните мрежи.
Повредата на Аке е голем проблем за Манчестер Сити кој претходно остана и без Џон Стоунс и Мануел Аканџи кои ја пополнуваа оваа позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
