Весникот „Кориере ди Болоња“ носи информација според која Звезда се уште смета на тоа дека би можела да го убеди Миротиќ да потпише, но има подготвен и „план Б“.
Веќе се зборуваше, во доменот на шпекулациите цело ова време, дека Звезда го има на ум Торнике Шенгелија и тоа само ако Никола Миротиќ тргне во друга насока и потпише со големиот ривал Партизан.
Во случај Звезда и Миротиќ да не соработуваат, пишува овој весник, клубот од Мал Калемегдан целосно би се насочил кон Шенгелиа и сите свои преговарачки ресурси би ги пренасочил кон Грузиецот.
Шенгелија минатата сезона во Евролигата имаше просек од 9,4 поени, 3,1 скока и 3,1 асистенции по меч.
Звезда веќе донесе неколку играчи ова лето. Пристигнаа Дејан Давидовац, Милош Теодосиќ, Адам Ханга, Марко Симоновиќ, Рокас Гидраитис, Џоел Боломбој, Мајк Тоби и Шабаз Нејпиер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
